အစွဲ

လူမျိုအသီးသီးဘာသာအသီးသီးမှအပြစ်မဲ့ညီအကိုမောင်နှမများ မွတ်ဆလင်တို့ ရဲ့
သတ်ဖြတ်ခြင်းမှကင်းဝေးကြပါစေ။
အထက်ပါ အီးမေးလ်ဖြင့် ၀ါဒဖြန့်သော အဆိုကို အပြည့်အ၀ မထောက်ခံပါ …။ ကျွန်တော့်အဖေက ဆွန်နီ နဲ့  မဂိုလ် ကဆင်းသက်တာ …။ ကျွန်တော်တို့ တမိသားစုလုံး ခရစ်ယာန် ကိုးကွယ်ပါသည် ..။ ဒီဖရုသ၀ါစာ ဖတ်လိုက်တော့ သွားလေသူ ပါပါကြီးကို သတိယမိတယ် …။ “ပါပါကြီး သေရင်ဘယ်သချုင်္ိင်းကို ပို့ ပေးရမှာလဲ” လို့  ကျွန်တော်တို့ တွေ အဖေမျက်နှာသာလေးပေးချိန်မှာ နောက်ပြောင် မေးခဲ့မိတာကို ဒီနေ့ အထိ စိတ်မကောင်းဖြစ်မိ/နောင်တ ရမိတယ် …။ အဖေကလည်းရယ် ပြီးပြန်ပြောပါတယ် “ငါ့သေရင် ကြိုက်တဲ့သင်္ချိုင်းပို့ လိုက်… ၊ လူတစ်ယောက်လုံးသေသွားမှ ဘာလိုနေဦးမှာလဲ” တဲ့ …၊၊
အဖေက အီရန်နွယ်ဖွား … လူမျိုးရေးနဲ့ ပက်သက်ပြီး .. ကုလားမုန်းတီးရေးတွေကြားမှာ သိပ်အနေမှန်ခဲ့တာ ..၊ အဖေ့က အိမ်မှာသာကြမ်းတာ (သားသမီးတွေကိုဆုံးမခြင်းကိုဆိုလိုသည်) ..။ပတ်ဝန်းကျင် မှာ သူနဲ့ ဆုံဖူး ပက်သက်ဖူးတဲ့မိတ်ဆွေအားလုံးက မှတ်ချက်ပေးတယ် …။ “ ဦးသိန်းတန်ကြီးက သိပ်ရိုးတာ …သဘောလည်းလွှတ်ကောင်း … မတရားတာလည်း ဘာမှမလုပ်ဘူး” …။အဖေ စစ်တပ်မှာ နှစ်ပေါင်းများစွာ တာဝန်ထမ်းဆောင်ခဲ့တယ် … ရိုးရိုးကြီးမို့ လုပ်သက်ပြည့်လို့ ပင်စင်ယူတော့ ဘာအရင်းအနှီးမှမရှိ .. စီးပွားရှာတာ မျိုးစုံ … သနားတတ်/အားနာတတ်လွန်းတော့ လှူတာပေးတာ/အလိမ်ခံရတာနဲ့  အကြွေးတင်.. အမေ့စုဆောင်းထားတဲ့ ရွှေတိုရွှေစ လေးပြောင်… နောက်ဆုံးအမေက အိမ်ဦးခန်းမှာပဲ တလှည့်အနားယူပါလို့ တောင်းပန်ပြီး ဈေးတောင်းခေါင်းရွက်ပြီး စီးပွားရှာခဲ့ရတယ်….။
အဖေ ညီကိုမောင်နှမတွေ က အစ်စလာမ် … အဖေ့ညီမ (ကျွန်တော့်ကိုနှစ်ပေါင်းများစွာ မွေးစားစောင့်ရှောက်ခဲ့သူ)က လွဲရင် ကျန်တာတွေအားလုံး အစ်စလာမ် … ကျွန်တော့်မွေးစားအမေ ကတော့ ဗုဒ္ဓဘာသာကိုလေးလေးနက်နက် ကိုးကွယ်သူ ..။ ငယ်စဉ်ကတည်းက အိပ်မက်တွေမက်တယ် ..10 တန်းအောင်တော့ အိမ်ပေါ်ကဆင်း .. အလုပ်ဝင်လုပ် ရင်းကျောင်းတက် ပြီး မိခင်ကို အဝေးကပဲ ထောက်ပံ့သူ (ဘာသာပြောင်းလိုက်ရ်ျ ) …။ကျန်သော ဦးလေး ၊အဒေါ်တွေ ဘုရားကိုင်းရှိုင်းတာ ..လူကြီးမိဘ ရိုသေတာ ..မျက်မြင်ပဲ … ဘက်မလိုက်တမ်းပြောရမယ်ဆို ရင် အထက်အောက် စကားပြောယဉ်ကျေးမှု/လေးစားမှုကို အစ်စလာမ်ဘာသာမှာ အများဆုံးတွေ့ ဖူးတယ် ..။ကျွန်တော် လူဖြစ်စက ထိုဦးလေး/အဒေါ်တွေလက်မှာကြီးတာ …။ကျွန်တော်ညီမကို ဆဲမိလို့  နောက်တခါဆို ပါးစပ်ကိုအပ်နဲ့ဖောက်မယ်လို့ ကျိန်းတယ် ..ဗျင်းလိုက်တာလည်း အသကုန် .. နောက်ပိုင်း ဆဲရေးတိုင်းထွာမှုကို မသုံးမိအောင် လေပြေနဲ့လည်းသွန်သင်တယ် … လူကြီးသူမရှေ့ မှာ စောက်လို့ တောင် မထွက်မိစေဘူး … ဖေ/မအေကတော့ ဝေးရော … (ခုအသက်ကြီးမှ သနတ်သံတဒိုင်းဒိုင်းကြားတော့ ဆဲချင်ချင်) ….အဲဒါ မွတ်စလင် အဒေါ်ရဲ့ သွန်သင်မှု ….။နောက်ပိုင်းနဲနဲသိတတ်တော့ ဗုဒ္ဓဘာသာအဒေါ်လက်ထဲရောက်ရပြန်တယ် … လူပျိုပေါက်ဖြစ်လို့  ဆင်ခြင်ဆုံးဖြတ်ရဲလာတော့ ခရစ်ယာန် အမေနဲ့အဖေ ဆီပြန်ရောက်ပြန်တယ် … (ကျွန်တော့်ကို မွေးစားသော ကျေးဇူးရှင်များ စီးပွားရေးအင်မတန်ကျဆင်းပြီး မကျွေးနိုင်ချိန် ) ..။
အဖေရဲ့ မှတ်ပုံတင်မှာ အစ္စလာမ် … အဖေဘာကိုးကွယ်သည် ကျွန်တော်တို့ မသိခဲ့ဘူး ..။ ဘာသာမဲ့တစ်ယောက်တယောက်တော့ မဟုတ်ပါ ..။ သူ worship လုပ်တာကိုမြင်ဖူးတယ် …။ ဒါပေမဲ့  ဘယ်ဘုရားကိုကိုးကွယ်တာလဲလို့  မှန်းရခက်နေပြန်တယ် ..။အမေကဘုရားကျောင်းသွားဖို့  ပြောတော့ ပေကပ်ကပ်လုပ်တဲ့ကျွန်တော် … မိဘ တွေကိုစိတ်ထဲက အမျက်မပြေ နိုင်လို့  ပြောသမျှအရွဲ့ တိုက်ဖို့ သာ စိတ်ကူးခဲ့တဲ့ ကျွန်တော်ရဲ့  ဆယ်ကျော်သက်ဖြတ်သန်းမှုက ပရမ်းပတာသိပ်နိုင်နေမလားပဲ …။ 6နှစ်သားတုန်းကဥပုတ်ယူတာ(ခလေးဆိုတော့ နေ့ တ၀က် ) တထွေးတပြစ်ပြစ်နဲ့ အလစ် ဗေ တေ စေ နဲ့ ပဲစခန်းရပ်သွားတယ် … သိပ်ဒုက်ခရောက်တာ .. ရှစ်တန်းမှာ မဟာစည်သာသနာရိပ်သာ (ရွှေဂုံတိုင်)မှာ ကိုရင်စည်းခဲ့တယ် .. ဘွဲ့ နာမည် က ရှင်သာသန … ပျော်လွန်းလို့ ရှင်လူထွက်ရမယ်ဆိုတော့ မျက်ရည်တောင်လည်တယ် …မှတ်ပုံတင်မှာလည်း ဗုဒ္ဓ ..။ ဘာသာရေးတွေ မတည်မငြိမ်နဲ့ တကွဲတပြားဖြစ်ပြီး ဂျစ်ကန်ကန်နိုင်တဲ့ ကျွန်တော်တို့ အကြီးနှစ်ယောက် မိသားစု ပြန်ဆုံချိန်မှာ မတူညီမှုတွေနဲ့  အိမ်တွင်းရေးမသာယာတာ နေ့ စဓူဝ..။ အမေ့သောကတွေအတွက် အဖေက ပြောတယ် .. ဒီနေ့ အထိနားထဲက မထွက်ဘူး ..။ သားကြီး (အဖေ အဲလို ခေါ်ခဲတယ်)… ဘာသာရေးဆိုတာ ဘိန်းပဲ …။သမိုင်းဆိုတာ လူတွေ ရေးတာ … လူတွေရေးတဲ့သမိုင်းမှာ လူတွေရဲ့ စိတ်ကူးတွေ၊အတ်တတွေ နဲ့  အမှန်တရားဆိုတာ တွေ့ ဖို့ ခက်တယ် ..။ ဘယ်ဘာသာကမှ မကောင်းတာလုပ်ဖို့  မသွန်သင်ပါဘူး …။ အမေ့မျက်ရည်ကြောင့်တော့ မဟုတ်ဘူး …။ ကျွန်တော်ကိုယ်တိုင် မြည်းစမ်းတယ် ..၊ ကျွန်တော်သိခဲ့ဖူးတဲ့ ဘာသာတွေနဲ့ ခံစားကြည့်တယ် .. မနှိုင်းယှဉ်ပါဘူး ..
ကျွန်တော် ပထမနှစ် တက်ခါစမှာ အဖေကင်ဆာဖြစ်တယ် … အိမ်မှာလေ ဆရာတွေခေါ်ပြီး ဘုရားရှိခိုးရင် မီးဖိုချောင်မှာ ပရိသတ်စားဖို့ ချွေးတလုံးလုံး မညည်းမညူချက်ပေးရှာခဲ့တဲ့ အဖေ… တရားဆိုတာ နားမ၀င်အားခဲ့ဘူး …. သူ့ နေကို သိနေတော့ ၀ိုင်းပြီးပြတ်သားခိုင်းကြပြီ … သားသမီးတွေ အနေမခက်ဖို့  သူကိုးကွယ်မှုကို မြိုသိပ်ထားတယ်…(ဆွယ်ဖို့ နေနေသာသာ)…။ ဆာလံကျမ်းနဲ့  သူရဲ့ နောက်ဆုံးအချိန်တွေကို ဖြတ်သန်းခဲ့တယ်… ဆရာတွေက နှစ်ခြင်းပေးလို့ မဖြစ်နိုင်လို့  ဒုတိယအကြိမ်မွေးဖွားခြင်းအတွက် ရေဖြန်းပေးလိုက်တယ် … အဖေက လုပ်မဲ့လုပ်တော့လည်း လန်ထွက်နေတာပဲ … တိုင်ကီထဲကရေကို စတီးခွက်နဲ့  born again ပေါ့ … ဒါတွေက ပြယုဒ်တွေပါ … သူ့ ရင်ထဲမှာ ခရစ်တော်ကို သိကျွမ်းခြင်းနဲ့  လက်ခံယုံကြည်ခြင်း လေးကပ်သွားတော့ မိသားစု ပေါင်းသွားပြီ … တလုံးတ၀ဖြစ်သွားပြီ … တခါမှမတည့်တဲ့ မောင်နှမလေးယောက် ကျမ်းစာအလှည့်ကျ ဖတ်ပေးရင်း မသိမသာ နွေးတွေးမှုက ကူးစက်လာတယ် … ခုနေများ ကျွန်တော့်တို့ မောင်နှမတွေလောက်ချစ်တာ ရှိဦးမလား ……..။အဲဒါ မွတ်စလင် အဖေတစ်ယောက်ရဲ့  အကြမ်းမဖက်တဲ့ အသက်ရှင်မှုပဲ ..ဘ၀ကူးတာတောင် တသက်လုံးစိတ်ဓာတ်ရေး ယိုင်နဲ့နေတဲ့.. ချစ်ဖို့ မေ့နေတဲ့မောင်နှမပေါက်စလေးတွေကို အမေနဲ့တသားတည်းဖြစ်စေခဲ့တယ်။ အဖေက အမေ့ကို ချစ်တယ် လို့  မပြောဖူးဘူး …။ဒါပေမဲ့  သိပ်ချစ်တတ်တာပဲ …။ခုနောက် ကျွန်တော်တို့ ကြောင့် အမေ ပျော်နေတယ်လေ …….။
ကျွန်တော်က ခံစားချက်ကို အသားပေးရပ်တည်တဲ့ကောင် … ဖီလင်မလာရင် ရေတောင်မသောက်ဘူး ဆိုတာမျိုး ………။ တိုတိုပြောရရင် ယေရှုက ကျွန်တော့်နှလုံးသားကို ဆွဲစုတ်ပြစ်လိုက်တာပဲ … ။ တသက်လုံးကိုယ်မှန်တယ် ..၊ ကောင်းတာလုပ်ရင်ကောင်းတာပဲ ဖြစ်မှာပဲ …ကံငါးပါးလုံရင် ပြီးတာပဲလို့  တယူသန်ခဲ့တာတွေ မှားသွားပြီး … ခရစ်တော်ကို ရပြီးမှ ကျွန်တော်ဘယ်လောက်အပြစ်များတဲ့သူဆိုတာ စမ်းစစ်လာနိုင်တယ် .. ကံငါးပါးခြုံလို့ မလုံတာ ဘာလဲ … စိတ်ဆိုတဲ့ အတွင်းရန်သူ … သောကတွေနဲ့  ခိုးကိုးရာမဲ့ခဲ့တယ် .. ခွင့်မလွှတ်နိုင်မှုတွေ နာကျည်းနေတာတွေ .. မွတ်သိပ်ခဲ့တာတွေ … ပင်ပန်းခဲ့တာတွေ..ဘ၀ရဲ့အမောတွေ .. သခင်နဲ့ တွေ့ တော့ ငြိမ်းချမ်းလာတယ် … ရိုးရိုးလေးပါပဲ ..။
ပုဒ်မ/ပုဒ်ထီးတွေ အများကြီးမရှိဘူး …. မေတ္တာတရားပဲ .. ပညတ်ချက်က ဘုရားသခင်ကို ချစ်ရမယ် .. ကိုယ်နဲ့စပ်ဆိုင်သူကို ကိုယ်နဲ့ အမျှချစ်ရမယ် … ။ချစ်ချင်းမေတ္တာခြုံမှ လုံတာလေ …။ ကျွန်တော် 18 နှစ်ပြည့်နောက်နေ့မှာ နှစ်ခြင်းမင်္ဂလာခံယူခဲ့တာ ဘယ့်သူပရောဂမှ မပါဘူး …။ သေသည့်တိုင်အောင် ခရစ်တော်နဲ့ ခရီးဆက်လျှောက်မယ် ..။
ကျွန်တော်ပြောချင်တာက ဘာသာကြီး သုံးခုထဲမှာ ကျင်လည်ခဲ့တဲ့ကျွန်တော်က ဘာသာရေးပုတ်ခတ်တိုက်ခိုက်မှုတွေကို မနှစ်မြိုသလို … အဖေလူမျိုးခြား ..အမေတိုင်းရင်းသူ ကရင် မှဆင်းလာသူမို့  လူမျိုးခွဲခြားမှုကိုလည်း သဘောမကျပါ ..။ကျွန်တော်မျိုးမစစ်ပါဘူး … ဒီတော့အမျိုးစစ်သောသူများ ကိုယ့်အမျိုးကိုကာကွယ်ပေးပါ …။အထူးသဖြင့် ကျွန်တော်ကျင်လည်ခဲ့သော ဘာသာသုံးခုမှ ကျွန်တော်အမျိုးများသည် သူတို့ ဘာသာကို ၀တ်ကျေတန်းကျေ ကိုးကွယ်မှု..၊ အစားရချောင်အောင်ကိုးစားသူများမဟုတ်ဘဲ အမှန်တကယ် လေးစားကြည်ညို စွာ သက်ဝင်ယုံကြည်သူတွေမို့  သူတို့ ရဲ့ အသက်ရှင်မှု.. သူတို့ ရဲ့ အကျင့်နဲ့ ပေါင်းသင်းဆက်ဆံမှု … စိတ်နေစိတ်ထား နှင့်ပုံသက်သေများကြောင့် ကျွန်တော် ထိုဘာသာဝင်များကို ဘယ်လို မှအပြစ်မြင်စရာ /မုန်းတီးစရာ အဖြစ်မမြင်မိပါ ..။မိုဟာမက်ဘာတွေသွန်သင်လဲ … ကျွန်တော့် ဦးလေးတွေ ..အဒေါ်တွေ မိဘကိုရိုသေလိုက်တာ .. သူတို့ လေ စီးပွားလုံးဝပျက်တဲ့အချိန်မျိုးမှာ စားဖို့ တောင်ခက်နေချိန်မှာ သူတို့ အမေအတွက် ဘုရားရှိခိုးပေးတာ/လှူဒါန်းပေးတာ တနှစ်မပျက်ဘူး … ။လူသတ်မှုတော့မသိဘူး လူတောင်မရိုက်ဘူး …။ဆုံးသွားတဲ့ဦးလေးကတော့ ငယ်စဉ်က လက်သံပြောင်သတဲ့ (ရပ်ကွက်ထဲမှာသွန်သင်ရခက်သော လူငယ်တွေ သူကို့ လေးစားကြောက်ရွံ့သည်) ..။ မနက်ဖြန်စားဖို့ မကျန်မှာကို မတွေးဘူး … လိုနေတဲ့သူတွေ့ ရင် သူတ၀က် ကိုယ်တ၀က်ပဲ …။ ငယ်စဉ်က ပတ်ဝန်းကျင်မှာ ကုလားမုန်းတယ်ဆိုတဲ့အသံမကြားစဖူး ..။ ကျောင်းရောက်တော့မှ ကြားလိုက်ရတာ ..ကြွတ်ကြွတ်ညံ ..အဲဒီကုလားမင်းကို ဘာတက်လုပ်လို့ လဲမေးတော့ ဖြေစရာမရှိဘူး … ကြားဖူးနားဝနဲ့ လွှတ်မုန်းနေတာ ..။ စစ်ပွဲတွေဖြစ်တာ မိုဟာမက်ကြောင့် မဟုတ်ဘူး … ။ လူတွေရဲ့  မေတ်တာတရားခေါင်းပါးမှုကြောင့်ပဲ ..။ မိုဟာမက်မှားတာကို သွန်သင်တယ်ထားပါ … ရင်ထဲမှာ မေတ္တာတရားကိန်းအောင်နေမှတော့ လူသတ်ဖို့ မပြောနဲ့  လူတောင်ရိုက်ရက်ပါ့မလား ………။
ကိုယ်လူမျိုး … ၊ ကိုယ့်ဘာသာ ..၊ ကိုယ့် ယဉ်ကျေးမှု .. ဒါတွေက အစွဲတွေပါပဲ ..။ဒါပေမဲ့  လူမှန်ရင် ဒါတွေကို စောင့်ထိန်းရမဲ့  တာဝန် (ဘယ်သူမှမပေးပါ) ကရှိနေပြန်တယ်..။ ဒါကြောင့် ဗုဒ္ဓဆုံးမတဲ့ အလယ်အလတ်လမ်းစဉ် နဲ့  ခရစ်တော်ရဲ့  ရန်သူကိုတောင်အသက်ပေးချစ်ရဲတဲ့ မေတ္တာတရားနဲ့  ကြည့်ရင် အားလုံးအကောင်းမြင်လာမှာပါ ..။
ကိုယ့်ဘာသာကို ကိုယ်လေးစားတယ် …ဆိုရင် ကိုယ့်ဘာသာရဲ့ သွန်သင်မှုအတိုင်း ပုံသက်သေကောင်းကောင်းနဲ့  အများရဲ့ ရှေ့ မှာအသက်ရှင်မယ် … ပြီးတော့သူတပါးကို မပုတ်ခတ်ဘူး …မတားဆီးဘူးဆိုရင် အဲဒီဘာသာကိုလေးစားလာမယ် …အဲဒီဘာသာကိုးကွယ်သူကို ချစ်ခင်လာမှာပါပဲ …….။ သင်းအုပ်ဆရာကိုပဲဖြစ်ဖြစ် … ဘုန်းကြီးကိုပဲဖြစ်ဖြစ် ကိုယ်က သေနတ်နဲ့ ပစ် ..၊ ရိုက်နှက်ပြီး ဇာတ်တူသားစားနေလို့ ကတော့ သူများက လက်ခမောင်းခတ်မှာပေါ့ ..။ ကိုယ့်အိမ်က မိဘနဲ့ အဆင်ပြေနေတဲ့သားသမီးကို ဘယ်အိမ်က လာပြီးစော်ကားရဲမှာလဲ ..။ စစ်မှန်တဲ့ ယုံကြည်စိတ်နဲ့ အသက်ရှင်ကြည့်စမ်းပါ …။ လူသေသွားရင်တောင် အဲဒီလူရဲ့ စိတ်နဲ့ ဝိညာဉ်ကို သတ်လို့ မရပါဘူး ..။
လူအချင်းချင်း ချစ်နိုင်ကြပါစေ …။